Zezenketen aurka egoteko arrazoi asko egon daitezke. Hasteko, animalienganako tratu txarren gaia atera nahi dugu mahai gainera, zuen iritziz zilegia denaren eta ez denaren arteko muga non dagoen jakin nahi dugu. Horra eztabaida bideratzeko lagungarri izan daitezkeen galdera batzuk. Bueltatxo batzuk eman buruari eta eman zuen iritziak!
- Zerk egiten ditu desberdin zekorketak beste animaliekiko tratu txarretatik.
- Herrian animaliekiko tratu txar ugari daudela ikusita, zertara mugatu behar dugu gure lana? (enbolatuak, asto karrerak, hiltegiak...)
- Non dago krudelkeriaren muga?
- Zilegi al da biolentzia ondo pasatzearekin lotzea?
- Tratu txarrarekin ikuskizuna egiteak okertu egiten al du ekintza?
Zestoako zezenketen aurka egoteko arrazoi asko egon daitezke, baina arrazoi potoloena animalien aurkako tratu txarra dela uste dut nik ere.
ResponderEliminarAnimaliei egiten zaizkien tratu txar guztiak dira salatu beharrekoak, baina tratu txar batzuek badute gehigarri bat, beraiekin egiten den gozamenerako ikuskizuna.
Uste dut zezenketek duten alderik gogorrena dela hau, animalien sufrimenduarekin gozatzera bakarrik mugatzen dira zezenketak. Noski festa hortik haratago doala, baina festa hau tratu txarrik gabe ere egin daitekeelakoan nago.
Nik ez ditut inolaz ere enbolatuak eta gisa horretako ikuskizunak defendatuko, baina momentu honetan zekorketak bakarrik kentzea sinatuko nuke.
Askotan egin izan dira horrelako galdera eta erreflexioak eta gehienetan, lortzen den bakarra eztabaida zekorketaz haratago eraman eta hauekin zerkusi zuzenik ez duten gaiekin liskartzera eramaten dute.
ResponderEliminarHau ekiditzeko, argumentuari buelta emango nioke, hau da, etikoa al da PERTSONENTZAT animalien tortura izateko funts daukan ikuskizun batekin gozatzea eta hau bultzatzea?
Guztion dirua erabiltzea hortarako?
Haurrei hori ona dela erakutsiz normaltasun osoz hezitzea?
Festetako ardatz bezala erabiltzea haiek gabe hutsak geldituko liratekeearen aitzakiaz?
Bukatzeko, zekorketak, orain egiten diren bezala, BAI ala EZ, hor kokatu behar da eztabaida eta erreferendumaren galdera.
Zezenketak nolabait justifikatzeko beti erabili izan da halako zelofan herrikoi bat. Herri giroa, amparito, festak berezi egiten dituen plazako barrerak... Ikuskizun bera baino argudio herrikoiagoak azken finean.
ResponderEliminarZezenketak kentzeak ordea ez luke zertan beste hori guztia ezerezean utziko. Gure idiosinkrasia gordeaz zezenen heriotzarekin zerikusirik ez duen ikuskizun ugari antolatu eta gozatu ahal dugu. Azken urteotan Tirri-Tarratik hasi, Pirritx eta Porrotxetik igaro eta antzerkiarekin amaituz herritarrok erantzun ezin-hobea eman dugu zezenketarik gabe festak egon badaudela erakutsiaz.
Ikuskizun hauek dagokien lekua merezi dute festetako egitarauan eta leku fisikoan, herriko plazan. Orain arte bigarren mailako ikuskizunak izan direnak eta hauek ikustera joan diren herritarrak dagokien lekua merezi dute inor gutxietsi gabe.
Zezenketak soberan daude, berauek ikustera joaten diren herritarrak ez. Denok behar dugu festetan gure lekua. Galdeketaren emaitza zezenketa odoltsuak kentzekoa bada beraien festa berrasmatu beharko dute, ziur nago zezenik hil gabeko beste ikuskizunak posible direla gure herrian.
Agian trauma horiek ahalik eta leunenak izateko, egokia litzateke "bezerrada" parodiko bat eta Landesa, errekortadore edo antzeko zerbait antolatzea, gainontzeko guztia mantenduz, hau da, Paseillua, Amparito, barrerak, etab. Ez dakit zenbat jendek zezena dagoen bitartean festarik gabe geratzen direla esango ote luketen hurrengo festetan goian aipatu bezala eginez gero.
ResponderEliminarKontraesanak egongo dira jarrera honetan baina niretzat garrantzitsuena zekorketak orain egiten diren moduan gehiago ez egitea da.
Tratu txarraren mugara itzuliaz, nik animaliei zor diogun gutxiengo duintasun muga adostu behar dugula uste dut.
ResponderEliminarTratu txarra oso zabala da, ikuskizunetan bere habitatetik kanpo estres egoera batetara animaliak eramatea tratu txar konsideratu ohi da. Batzuk askoz aratago ere joaten dira...
Anonimoren ahusnarketan, irakurri dudanaren arabera, tratu txarra "odolera mugatzen du". Nik egia esan ez dut zalantza izpirik, Zezen bat lepa gaineko giar guztiak banderilekin eten eta lepoa altxa ezinik utzi ondoren ezpataz hiltzea heriotzarainoko tortura bat da, eta tratu txarra. Baina orduan Zestoarron sentsibilitatea odoleraino iristen da? Hor dago gure muga?
Nik nere zalantzak ditut non dagoen muga baina tratu txarraren gailurra, Zestoan zekorketak direla iruditzen zait, izan ere ez zait zilegi iruditzen eta larriagotu egiten du, tortura hau ondo pasatzeko tresna bat izateak, bestelako helbururik gabe, eta Anonimok aipatu bezala gizartearentzat animalien errespetuaren inguruan erabat eredu desegokia da.
Nondago zuen ustez muga? Non jarri behar dugu? Animaliak ez dira beren eskubideak defendatzeko gai, gurea da erabakia (pertsonena esan nahi dut)
Barakaldoko Udalak, PSOE, PNV eta Bilduern aldeko botoekin honako hau onartu du:
ResponderEliminarQue una sociedad moderna, democrática, culta y sensible, debe incorporar entre sus objetivos básicos y prioritarios, la defensa de aquellos colectivos especialmente débiles o frágiles.
Que los animales, como seres sensibles al dolor y al sufrimiento físico y psíquico, con el derecho natural a vivir de acuerdo con sus características biológicas, deben ser defendidos y protegidos por el conjunto de la sociedad y especialmente por las instituciones.
Que es imprescindible sumar esfuerzos y energías, y trabajar conjuntamente por el bienestar animal y la defensa de sus derechos.
Que una sociedad ética y avanzada no puede seguir utilizando a los animales como meros recursos de diversión, siendo ciega a su sufrimiento psíquico y físico.
Hemen ere oker ez banabil udalak aspaldi onartu zuen animalien eskubideen adierazpena.
Aupa kuadrilla!
ResponderEliminarBeste sarrera bat argitaratu berri dut, goian dauden galderei erantzuten.
Pasa eta utzi zuen iritziak.
http://amparitoerdikalean.blogspot.com/
Kaixo , amparitoko idazlea. Axola ez bazaizu, hemen erantzungo dut han jarri duzun iritzi sortari, ez baitit uzten errejistratu gabe idazten.
ResponderEliminarHasteko, pentalogoa izango litzateke, ez dekalogoa.
Zerk egiten ditu desberdin zekorketak beste animaliekiko tratu txarretatik?
Ba Zestuan antolatzen direla eta festetako ekintza garrantitsuena bezala hartzen dutela hainbat pertsonek. Honekin lotuko nituzke baita ere beste tratu txarren gainetik honi garrantzia ematea. Ematen zaion garrantzia, behar den dirua eta tratu txarraren intentsitaearen lotura bat egin ostean.
Eta hortik etorriko diren hainbat galderei aurrea hartuz, zekorketei buruz ari gara eta haeui buruzko galdeketa izango da, gaiari eustea eskatuko nuke.
Hau diozu:
"Guk ez dugu sufrimentuarekin gozatzen. Ez gara sadikoak.
Sufrimentuaz haratago, festan dauden beste milla estimulorekin gozatzen dugu. Ez sufrimentuarekin.
Sufrimentua ondo pasatzearekin, zuek lotzen duzue. Ez guk."
Nahiz eta sufrimenduarekin zuzenean gozatu ez, berau EZINBESTEKOA den eta INPLIZITUKI sartuta dagoen festa batetaz gozatzen duzue. Oso erraza da "zezenak pena ematen dit baino kriston anbientea egoten da" esatea. Ba ez, sufrimendu itzela dago zekorketatan eta derrigorrean hala izaten da. Estimuloen trukean animalia bat torturatzea ez zait oso etikoa iruditzen egia esan...
Orain zure dekalogoari erantzun laburrak, puntuz puntu:
Pertsonen bizitza, beste guztiaren gainetik jartzen dut. Baita pertsonen sufrimentua, eskubide urraketa, eta duintasuna.
(Eta hau zer irteera fresko mota da? zekorketen aurkakoak giza eskubideen karta onartzea nahi baduzu aurreneko baldintza bezala ba primeran, onartuta geratzen dira, baina ez dakit zertara datorren hau.)
Aurreko puntuak, ez du esan nahi animaliena gutxiesten dudanik, ezta gutxiago ere.
(Gutxietsi ez, baina euren sufrimendua dakarren festa bat bultzatu eta defendatu bai)
Ez nago hirugarrenei askatasuna urratzearen alde.
(Zure baimenarekin, urraturi h-a kendu diot. Besteen askatasuna urratzea al da animalien eskubideen karta onartu den herri batean , berak erreferendun baten bitartez erabaki ahal izatea zekorketak kendu ala ez, udaletik, aldunditik edo jaurlaritzatik inongo inposaketen gainetik herriaren gehiengoaren nahia jarriz? )
Herri galdeteketa, oso ongi konkretatu beharreko gauza bat da, bere garrantzia kontuan hartuta. Eta honen inguruan oraingoz, informazio gutxi zabaldu da. (Astia dago, zerorrek arestian aipatu bezala)
Zezenketen aurkako askok, zergatik ez dute festa eredua birplanteatzen?(Dena bat letorke noski, gehiago zehazteko gauza bat da, bai zure galdera eta bai galderaren objetua lirateken pertsonen eritzia)
Zezenketak, zezenaz gain dauden ekitaldiak dira Zestoan behintzat. Bere inguruan, urtez urte sortu den tradizio, festa, eta prafernalia guztia, zezenketen gainetik dagoela uste dut.
(Eta? Horrek animalien tortura dakarren festa bat apaintzea besterik ez du lortzen)
Animalismotik at, beste mila arrazoik bultzatzen dute jende mota bat zezenketen aurka egotera. Eta arrazoi hauek, ez zaizkit ez arrazionalak, ezta onargarriak iruditzen.
( Ez dut uste nik behintzat animalismoa eta gizakiaren zentzu etikoaz haratagoko arrazoirik aipatu dudanik eta hemen idatzi dutenek ere ez)
Ba listo, luzea baino probetxuzkoa, ondo izan eta hurrengorarte!
Herriko plazan urtero 4 zezen sakrifikatzea gaur egunean ez zait zilegi iruditzen (lehen ere ez).Beste zerbait asmatu beharko duzue aurrerantzean. Utz ditzagun gure dibertimendurako animaliak alde batetara eta goza dezagun elkarrekin inori minik eragin gabe. Animaliei beren eskubideak aitortu eta kitto. Atzera egiteko ordua da, orain arte posible izan dena hemendik aurrera ez dela pentsatu, txipa aldatu eta goza ditzagun herriko festak beste modu batetara.Ez dugu ezer galtzen, irabazi baizik. Kontradizioak kontradizio ( denok ditugu),zezenketen orria gainditu dezagun behingoz. Traumarik gabe, buruaren jabe edo zergatik ez, orojale baino festazale izanez.
ResponderEliminarZezenzaleek, zezenaren sufrimendua zekorketaren unearekin soilik lotzen dute,baina,behin ere bururatu al zaie pentsatzea zekorketa gauzatu aurretik nolako tratuak jasotzen dituzten?
ResponderEliminarTristea da zezen bat sufritzen ikusteagatik ordaintzea, baina, tristeagoa da sufrimendu horrekin gozatzea.
Zenbat eta torero eskasagoa izan gozamen handiagoa, zenbat eta zaztada gehiago eman oraindik eta gozamen handiago.
Lotsagarria.
Ba al dakizu ba zuk, zein tratu jasotzen duten zezenek zezenketen aurretik?
ResponderEliminarIzan al zara behin ere ganadutegi batean?
Seguruaski ez. Auskalo non eta zer irakurri duzun, edo kontatu dizuten, baina etzabiltza bide onetik. Informazioa kontrastatu ezazu, eta gero bota. Behin ere ez zara egon ganadutegi batean, eta ez duzu behin ere ikusi nola bizi den zezen bat, plazara etorri aurretik. Beraz, ez bota galdera hutsak, erantzungo banizu, nahiko leku eskasean geratuko zinen eta.
Gainera, benetan pentsatzen baduzu, sufrimenduarekin gozatu ohi dugula plazara goazenok, inozotzat joko zaitut.
Badakizu zuk, plazan ez duela inork odolaz gozatzen. Gehiago edo gutxiago mugitzea barruak, gauza bat da. Baina gozatzea beste bat. Eta nahiko azakarra zara zu, horretaz konturatzeko. Beraz, ez ezazu diskurtso mota hori erabili, badakizu eta zuk, ez zarela egia esaten ari. Oso leku eskasean uzten zaituzte, diskurtso hau erabiltzeak.
Azkenik, zaztaden gaia aipatu duzu. Eta berriz ere, gezurra erabili duzu zure argudiotzat.
Inork ez du nahi zaztada asko egiterik. Bueno bai, agian zuk, zure kausari notorietate pixka bat emango dio eta, zure diskurtsoaren arabera. Baina tira, ez dizut hori leporatu nahi.
Baina tamalgarria da, berriz ere gezurretan oinarritutako argudioak erabiltzea. Eta are tamalgarriagoa, gezurra dela jakinda, hala ere hori esatea.
Asko ikasi behar uzu oraindik, munduari buruz. Eta are gehiago, kausa antitaurinoari buruz. Argudio merkeegiak erabili dituzu, eta nahikoa daukazu ikasteko, zure kausan ere.
Besteen kausetatik ere pixka bat ikasiko bazenu, etzizun okerrik egingo.
Nire kausatik ikasi nahi baduzu, pasa nire blogetik.
Geroarte.
http://amparitoerdikalean.blogspot.com/
Amparo la que mata al toro para divertirseri erantzunez:
ResponderEliminarEz dakit nola egiten duzun baina, hemen idazten dutenen pentsakera behin eta berriz kritikatzen duzu, ezer leporatzen ez duzula esaten duzu baina leporatu ondoren. Hainbat jarrera pertsonal deskribatzen dituzu behin eta berriz "besteon" miseriak eta kontradizioak azaleratuz zu ahal-guztiduna bazina bezela, arrazoiaren jabe absolutua: hortik ez joan, hortik bai.
Jarrera pertsonalak epaitzen hastea ez zait bidezkoa iruditzen ez baitiot amaierarik ikusten kontuari.
Ideien konfrontazioaz ari gara. Zezenketak bai ala ez. Bakoitzak arrazoitu ditzala ahal bezain hobekien eta norberak dituen argudioekin. Besteak dituen kontradizio pertsonalak kudeatu ditzala berak horregatik dira eta pertsonalak.
Ondo esanak kontuan hartu eta gaixki esanak barkatu.
Urte berri on Amparo!
Ea, lehenik eta behin, urte berri on zuri ere.
ResponderEliminarNi "Amparo" naiz izenez, eta "La Que Baila Con El Toro" abizenez. Eta ez zuk jarri didazun izen hori.
Askotan egin ohi duzuen ariketa bat egin duzu oraingoan ere: zezenketetara joan ohi garenak, animalien hiltzaileak gara. Printzipio horren erakustaldi ikusgarria izan ohi da zekorketen aurkako elkarretaraztea erdikalean, han elkartzen baikara zezenetara goazen hiltzaile guztiak. Hori bai, ezpata sartzen diona Zunzunegi aldetik sartzen da, baina han ez da elkarretarazterik egoten.
Tira, berdin dio.
Hurrengoan ordea, pankartaren atzean zaudetenok, ongi begiratu nor daukazuen ondoan. Agian hiltzailerenbat izango duzue inguruan. Ez zezen hiltzaile bat, baina bai eskopeteroren bat, negu guztia tiroka pasa ohi duena.
Ni alde horretatik lasai nago. Ez dut behin ere animaliarik hil. Ea zure ondoko norbaitek berdina esan dezakeen.
Leporatzearen inguruan, kontzeptu okerra duzula uste dut.
Zezen plazara joan ohi garen guztioi, automatikoki zenbait gauza leporatzen zaizkigu, eta zenbait goitizen nahiko zatarren jabe egiten gaituzue. Horren arrazoi nagusia, zezenetara joatea da. Hori oinarritzat hartuz, seinalatuak izaten gara, automatikoki.
Baina nik ez diot inorri ezer leporatu nahi.
Nik erakusten dudan gauza bakarra, denoi zerbait leporatu ahal zaigula da. Guri gauza bat, eta zuei beste batzuk. Baina zuen jarreraren diferentzian, guk ez diogu inorri ezer leporatzen automatikoki.
Badaudela kontraesanak zuen artean?
Noski baietz. Eta horiek erakusten dizkizuet.
Horretaz gain, hura eta bestea deitzeko aukera ere izan dut, baina ez dizuet etiketarik jarri. Nahiago dut hori ez egin. Eta hortxe dago, hain zuzen, zuen eta nire arteko koxka.
Egi ahalguztidun eta absolutuaren jabe bezala aurkeztu didazu, eta eskertzen dut lausengua, baina nik uste dut ez dela hainbesterako.
Nik, nire intentzio on guztiarenkin, gomendioak egiten dizkizuet. Zerbait gomandatzen dizuet, nire iritzia oinarritzat hartuta.
Ez da nire asmoa, inori ezer inposatzea. Ez daukadalako botererik horretarako, eta ez zaidalako zuzena iruditzen hori egitea.
Zuek ordea, zezenetara joan ohi garen guztioi, zuen ikuspuntua inposatu nahi diguzue, guk gustoko dugun festa bat kenduta, zuen gustokoa ez dela oinarrtzat hartuta.
Zuen gustak, gurearen gainetik egon behar du, dirudienez.
Gomendioak, eta inposaketa. Ez da berdina.
Ea nor dabilen bata edo bestea egiten.
Eta ez pentsa nire gomendioak zuen kausa defendatzeko egiten ditudanik. Askotan, helburu honetatik nahiko urrun geratzen zarete, eta barregarri geratzeko arriskua ekiditeko esaten dizuet, esaten dizuedan guztia.
Nik, neure ideiekin guztiz koherentea naizela uste dut.
Denek ordea ezin dute berdina esan.
Urte Berri On zuri ere!
Izenaren aldaketa egitearen arrazoia probokatzearena izan da, ea nondik ateratzen zinen ikusteko eta uste dut lortu dudala zerbait gehiago ateratzea. Lasai zure izenaren jabetza ez dizut gehiago zalantzan jarriko eta.
ResponderEliminarHerriko zezenketetan, zezenarekin dantza baino zezenaren heriotzarekin dantza egiten dela azpimarratu nahi nuen besterik ez, gauzak bere lekuan jartze aldera. Nik dakidala ez dizut hiltzailea zarela esan, beraz ez biktimismo merkerik egin. Beste kontu bat argi xamar dudana zera da, zezenketak antolatu eta txalotzen dituzten herritarrak direla "ikuskizun" horren arduradun nagusiak ta ez toreroa (nahiz eta berak akabatu zezena).Bigarren maila batean udala eta beste herritar guztiok jarriko nituzke (nire burua barne). Horregatik nago hain zuzen zezenketak kentzearen alde, besteak beste nire ardura delako halako basakeria gehiagorik ez egotea gure herrian.
Inposaketa diozu. Txanponaren bi aldeak aztertu ditzagun. Herrian zezenketak egitea ez da inposaketa? ta ez egitea bai? Galdeketaren aurkakoa zara? Herri galdeketa eta inposaketa antonimoak direla deritzot.
Gustu kontua balitz bezala planteatzen duzu gaia, baina ondo baino hobeto dakizu kontua ez dela hori. Zestuko festetan antolatzen diren ikuskizun erdiak ez ditut gustoko baina beste herritar askorentzako garrantzitsuak eta gustokoak dira, inoiz ez nuke horien aurka ezer esango ezta egingo ere .Trikitia ala flamenkoa? Txistu alardea ala herri kirolak? Dena bai. Denok gara herria eta denok dugu gure gustuko ikuskizuna izateko eskubidea. Baina...
Baina beste eskubideak urratu gabe noski! Zuen zezenketek arazo etiko eta moralak sortzen dituzte beste herritarren artean hori da arazoa. Ez gustu arazoa. Hori ez aitortzea eztabaida bera ez aitortzea da. Badirudi zezenketak ikustera joaten zaretenen askatasun pertsonalaren aurka ari garela, hor kokatzen duzue zuen ARRAZOI NAGUSIA.
"Zuen gustuak, gurearen gainetik egon behar du, dirudienez" diozu. Hori da zure arrazoi nagusia argi gelditu zait. Ez ote da alderantziz? Zuen dibertsioa beste guztiaren gainetik alegia?
Muuxuak.
Ea, gauza bat argi utzi nahi dut, aldez aurretik.
ResponderEliminarHerri galdeketa etzait inposaketa bat iruditzen, eta hau burutzearen alde agertzen naiz.
Udalak dauka zezenketak antolatzeko eskumena, eta erakunde publiko bat denez, eta guztion diruarekin finantzatutako ikuskizun bati buruz ari garenez, herri osoak izatea honen inguruan erabakitzeko eskumena demokratikoa iruditzen zait. Iniziatiba pribatutik etorriko baziren zezenketak, agian ezberdina izango zen. Baina jatorri publikoa dutenez, ez dut begi txarrez ikusten.
Bestalde, inposaketa aipatu dut. Baina ez zentzu horretan.
Aurrerago azalduko dut garbiago inposaketaren gaia, aurrerago ikusiko baitugu gure kaleetan.
Gaur, oraindik, kanpaina honen hastapenetan gaude, eta aurrera egitearekin batera, azalduko dira "inposaketa" hitzaren zentzua hartuko duten jarrerak. Eta ez naiz ari "Muu" herri ekimenari buruz.
"Muu" herri ekimenak, ez dut uste bere sorrerako kontzientzian nik inposaketa deituko diodan horren aztarnarik duenik. Baina denbora aurrera joan ahala, talde irekia izanik, besteak baino altuago hitzegiten duten interesatuak azalduko direla seguru nago. Eta hori kudeatzen jakin beharko duzue.
Baina tira, hori aurrerago ulertuko duzu.
Bestalde, zezenketak egotea etzait iruditzen inori inposatua izan zaionik.
Jaiotzen garen momentuan, egoera bat aurkitzen dugu munduan, zirkustantzia bat. Mundua bide bat eramaten ari da.
Alde horretatik, zezenketak hemen aurkitu dutugun erealitate bat dira. Hau aldatzeko libre gara, baina munduak gai horretan eman duen bidea aldatzea suposatzen du. Zezenketak egoteak ordea, ez du bidea aldatzerik suposatzen, eta ezta aldaketa edo iraultza bat beste inoren bizitzan. Hauek kentzeak berriz, bidearen aldaketa bat suposatzen du. Esan beharrik ez dago horretarako guztiz libre zaretela, eta etzaidala gaizki iruditzen zuen kontzientziaren kontra doazen, eta joandako garaietatik oinordetzan jaso ditugun egoera haien aurrean aldaketa nahia erakusteko. Eta hura gauzatzen sahiatzeko.
Egoera justu alderantzizkoa izan balitz, eta herri galdeketa zezenketak jartzeko izan balitz, orduan zezenzaleek nahiko zuten aldatu denborak eman duen bidea.
Baina nahi edo ez nahi, gaur egun egoera batekin egin dugu topo guztiok. Batzuen gustokoa izango da, eta beste batzuen gustokoa ez.
Moralaz ere jardun duzu.
Baina batzuei arazo moralak sortzen dizueten moduan, beste batzuei ez die hainbesteko dilema etikorik sortzen. Eta hor dago eztabaida.
Nik ordea, nire morala eta etika garbi ditut. Eta nire doktrina komulgatzen ez duten haiei ez diet nire moralaren berdina izatera behartu nahi. Nahiz eta hauen bizimoduak, edota bizitza ereduak, niri ere dilema moralak sortu.
Aske dira nahi duten bezala jarduteko. Eta egin dezatela beraien askatasunak uzten dien hura.
Zuen dilema moralak, besteen aurrean protesta egitera bultzatzen zaituzte, eta hauei ideiaz aldatzeko zilegitasun guztia duten kontzientzia ariketak egiteko eskubide osoa daukazue.
Baina ideiaz beraiek aldatu behar dute, eta ez diezue zuek zuen ideia inposatu behar. Gaizki ari direla konturatu daitezela beraiek.
Eta ez zezenketetan bakarrik. Baizik bizitzaren beste edozein ingurutan ere praktikan jarri beharreko filosofia bat iruditzen zait hau.
Baina tira, hau nire iritzia bakarrik da.
Eta luzerako emango du honek.
Geroarte.
Iragarle lanetan ere aditua zara Amparo? Ez duzu makala irten! Aurreikusten al duzu korrida-zaleen artean halako talde bat sortuko denik galdeketan nolabait eragiteko? Talde horretan inposaketarik aurreikusten al duzu edo talde horretan denak tonu berdinean hitzegingo dute? Mamu-zaharrak astintzeari utz diezaiogun eta urratu dezagun bidea. Jokatu dezagun garbi, gizatasunez eta gizalegez. Argudioen eta arrazoien ordua heldu da, eztabaida heldu da.
ResponderEliminarMuutarrek lan handia egin beharko dute beren asmoak aurrera ateratzeko, horretan ez dago duda izpirik, baina ziur naiz egingo dutela eta bide onetik doazela. Nire zalantza beste aldean kokatzen da. Nola demontre konbentzitu daiteke pertsona bat, zezenketetara joaten ez den pertsona bat, zezenketen alde bozka emateko?
"Bestalde, zezenketak egotea etzait iruditzen inori inposatua izan zaionik.
Jaiotzen garen momentuan, egoera bat aurkitzen dugu munduan, zirkustantzia bat. Mundua bide bat eramaten ari da." diozu. Zenbat adibide jarri behar zaizkizu gaur egungo errealitate direnak baina aldi berean errealitate inposatuak direnak? Monarkiatik hasi eta oinarrizko soldatan amaituko genukeen, eta ez da plana, ezta?
Ez dakit nork irabaziko duen galdeketa honetan, benetan. Galdeketa bera egitea eta zezenketak inoiz ez bezala kuestionatzea garaipen bat delakoan nago, emaitzak emaitza. Zezenketen amaieraren hasieran gaude.
Ondo izan.
Ez naiz igarlea bihurtu.
ResponderEliminarEz dut uste zu eta ni atzo jaiotakoak garenik, eta soberan dakigu nola egiten diren gauzak herri honetan. Badakigu baita ere, horrelako polemikek izaten duten eboluzioa gurean. Eta badakigu baita ere, putre muturluze asko dagoela bazterretan, besteen artzai gisa aurkezteko prest azalduko direnak.
Zentzu horretan ordea, oraindik behintzat, gauzak nahiko garbi ditu "Muu" herri ekimenak. Eta espero dut aurrerantzean ere, orain arte eraman duzuen bide garbi eta zuzena (nire iritziz behintzat) mantentzea. Zuen onerako, eta eztabaida eta giroaren onerako.
Zezenzaleen elkartzearen inguruan ez dut daturik. Ez dakit elkartzeko asmotan dabiltzan ala ez.
Zerbait lortu nahi badute herri galdeketan, elkartu beharko lirateke.
Hori bai, honekin ez dut esan nahi nire presentzia egongo denik bertan. Lehendabizi, beraien postura eta diskurtso ofiziala entzun beharko nituzkeen, harekin bat natorren edo ez jakiteko. Eta gero, agian izango nintzen parte, edo agian ez.
Zuk azaldu duzun moduan, talde hau ere ez da influentzia inposatzaileetatik kanpo geratuko. Eta hemen ere agertu daitezke putreak, taldearen gainetik hegan.
Eta eztabaidaren onerako, eta herriko giroaren onerako, bai "Muu"-k, eta baita zezenzaleen talde hipotetiko horrek, ez lukete influentziapean erori behar.
Aspalditik dakigu nola eragiten dioten itsasgorak gure herriari. Eta badakigu baita ere, olatu horien gainean surf egiten sahiatuko direnak badirela.
Eta baiezkoa edo ezezkoaren gainetik, biziki garrantzitsua iruditzen zait ez uztea inori gure olatuaren gainean ibiltzen.
Herria asko gaiztotu daiteke. Bai galdeketaren aurretik, eta baita ondoren. Eta gehien kezkatzen nauena ondorengoa da.
Inposizioez hitzegin dudanean, ez nintzen ari demokraziari buruz. Aurkitzen dugun zirkustantzia azpimarratu nahi nuen, hau inposatua izan ala ez. Eta zirkustantzia aldatzeak suposatu dezakeena.
Ez dut esan hau aldatzea kalterako, edo txarra izan daitekeenik. Baina gu bide batean jarriak izan gara, eta hori aldatu dezakegu edo ez. Baina bide hori daukagu oinarritzat, nahi izan, ala ez nahi izan.
Baina tira, oso filosofikoa iruditzen zait gai hau, eta agian guri okupatzen digun gaiarekin zerikusi oso urruna izan dezake.
Bestalde, debateari buruz ere jardun duzu.
Nire ustez, oinarrizko gaia, hau da, zezenketak, eztabaidatuak izaten ari dira. Bai nire blogeko zenbait sarreratan, eta baita "Muu"-ren blogeko zenbait sarreratan.
Baina debateaz gain, eta hau garbi mantentzeko, beste zenbait ardura eta behar daudela iruditzen zait. Eta azken hauek ez dute zerikusirik zezenketekin.
Nahiko garbi utzi behar du bakoitzak, zein den jarraituko duen bidea. Eta horretan mantendu behar da, guztien onerako.
"Muu"-k, erakunde bezala, ardura handiago du zentzu horretan. Ni norbanako bat naiz, eta iritziz aldatu dezaket, eta etzait inor jarriko bere doktrina inposatzen. Bestalde, nik ez dut inor ordezkatzen nere buruaz haratago, eta "Muu"-k berriz jende bat dauka atzetik.
Guzti hau gaizki kudeatzeak arazo potoloak ekar ditzake herrian. Giroa asko gaiztotu daiteke, eta eztabaida gehiegi berotzera ere iritsi gaitezke. Baditugu esperientzia txarrak gure herrian, berriz ere huts berdinak egiteko.
Denok dakigu nola amaituko duen honek, behar ez duen bide bat hartzen uzten badiogu. Beraz, egin dezala bakoitzan nahi duena, badakiu eta zein ekintzak, zein erreakzio ekarriko digun.
Ez dut zezenketen eztabaida gutxietxi nahi, ezta gutxiago ere. Horretarako nago ni hemen gainera.
Baina eztabaida honek beste zenbait gauza inplikatzen ditu, eta hauek ere zaindu beharra daude. Eta ez iada norberaren iritzi pertsonalak babesteko. Baizik herriaren bizikidetzarako oso garrantzitsuak izan daitezkeen aspektu batzuk ez daitezen behera etorri.
Eta aspektu hau, oso garrantzitsua iruditzen zait.
Zezenketak urtean behin izaten dira. Baina urte osoa eman behar dugu elkarbizitzen.
Ondo bizi!
Aupa!
ResponderEliminarHerri galdeketaren gaia, eta beste zenbait gauza argitaratu ditut sarrera berrietan.
Pasa eta eman egurra!
Geroarte
http://amparitoerdikalean.blogspot.com/